AU NANUMA GA NA DINA – VOQA KEI NABUKALOU-SERE VOU
Written by Mika Qalobula on February 10, 2022
Na matasere na ‘VOQA KEI NABUKALOU’,ka liutaka tiko o Apimeleki Tuni,e dua na matasere kilai levu ena noda vanua ena nodratou dau veivakamarautaki ena sigidrigi,ka ratou sa nanuma me ratou ladeva yani na i vatavata ni katokatoni ena Program,me vaka na kena, sa ra vakayacora tu na vei matasere lelevu ena noda vanua.
E dua na sere ka ratou se qai katona vou ga ena yabaki oqo na sere na ‘AU NANUMA GA NA DINA’,ka talimagimagitaki kina na nodrau veidomoni edua na cauravou ni Navutikia,Naitasiri ka vasu e Waciwaci,Lakeba mai na yatu Lau,kei na dua na gone yalewa ni Nayawasara mai na Tailevu ni siga ,ka vasu i Vanua balavu mai Lau.
Sa soko na waqa ni veidomoni oqo,me vaka ni rau a veikilai ena mona livaliva ena i ka 14 ni Veverueri ni 2000,ka dredre na veisotari me vaka ni tiko voli mai Ositerelia o cauravou.E sa laki kadre sara vakavinaka na veikilai ka yaco sara me rau sa laki vakaraitaka nai tukuni kei gone yalewa o rau nai tubutubu nei cauravou.Na vula ko Seviteba ni yabaki vata ga koya,sa vaka me vakila o cauravou ni sa via tadre mai na nodrau bula ni veitau,ka sa mani nanuma me tu madaga ka vakasarava tu se cava beka e sa leqa tiko.E a qai mai vakasama tu yani vakabalavu na cauravou ni Navatusila oqo,ka siqema i lomana ni sa rairai lesuvi nona ka makawa tale beka tiko o goneyalewa,ka nanuma me irova mada yani na nona i volamata,ka raica kina na dina ni veika e sa yaco tiko tiko.Sa mani kerea na cauravou oqo na nona vakasuka ia,e se waraka tiko ga e dua nai yalayala ka yalataka vua o gone yalewa,ka na waraka tiko ga, me yaco me dina.
Vakarorogo mai ena VITIFM 92.2FM,92FM kei na 92.6FM.
