BIUBIU TALE ERA LEWE 29 NA LEWENIVANUA E VITI MERA LAI CAKACAKA ENA RUKU NI PALM SCHEME KI OSITERELIA.
Written by Maikeli Radua on November 22, 2022
Picture credit: Fijian Government
Lewe 29 tale na noda e Viti era sa mai talaci ena siga Vakaraubuka sa oti mai vua na Permanent Secretary for Employment Productivity and Industrial Relations Osea Cawaru.
Era namaki mera biuti Viti ena macawa qo ena vuku ni cakacaka ki Ositerelia.
Sa vakaraitaka kivei ira o Mr Cawaru mera lai ivakaraitaki vinaka, ka vakamuria vinaka sara na lawa ni matanitu era sa lako kina ka vakamuria vakavinaka talega na lawa ni cakacaka.
Vakaraitaka o Mr Osea Cawaru ” Au mai tiko eke edaidai ena vuku ni matanitu o Viti meu mai vakananumi kemuni ena nomuni tavi ka vakananumi kemuni mo ni na lai vakarau vinaka, oni sa lakova oti na kena veidigitaki, ka lakova oti talega na kena vuli, ia qo o ni sa kauta tiko na yacai Viti kina vanua levu o Ositerelia”.
” Nanuma tiko na nomu takete ka solia nomu maqosa taucoko me rawa ni lesu tale mai o Ositerelia e Viti, ka mai vaqara tale e levu na lewenivanua mera lai cakacaka ki Ositerelia.
Vakaraitaka talega o Mr Cawaru mera nanuma tiko na veika e namaka na matanitu erua o Viti kei Ositerelia ka vaka talega kina na nanamaki levu yani e vale.
Kena i tukutuku matata vakarorogo tikoga mai ena Vitifm 92.2FM/92.6FM/92.0FM
