BOKO NA KONITARAKI NEI VULARIKA MAI NA DRUA KEI NA FRU
Written by Atu Kurumudu on March 16, 2022
E ratou bokoca na nona konitaraki o Serupepeli Vularika na timi Fijian Drua kei na Fiji Rugby Union ena vuku ni nonai tovo.
Ena gole lesu tale tiko mai I Viti o Vularika, ka na mai veitalanoataka na nona veigauna e liu ena rakavi kei na tabana ni Fiji Rugby Union.
Vakaraitaka na CEO ni Drua o Brian Thorburn ni yavu ni kena buicini cake e dua na timi, oya na I tovo yadua ni leweni timi, oya ka ratou biuta talega e dua nai vakatagedegede kivei ira na dauqito kei nai vakalesilesi ni timi ni Drua mera na vakaraitaka tiko nai tovo dodonu.
Tukuna ni ratou rarawa taka sara na digidigi eratou sa mai vakayacora oqo, ia, na veika oqo ena vinaka vua na timi.
Drua ena calidi tiko kei na timi ni Western Force ni vo e 25 na miniti me 4 ena yakavi ni Vakarauwai saraga qo.
