CABE CAKE O NASINU,MGM HIGH,RKS KEI QVS ENA QUATERFINAL NI DEANS UNDER 18.
Written by Maikeli Radua on July 15, 2024
Source: Pita’s Picture
Ena i tuvatuva ni Fiji Secondary Schools Rugby Union ena itimi ni Under 18 mera na cabeta na National Quaterfinals:
Ya me tolu na timi me basika mai na i wasewase na Tokalau (Eastern Zone), 3 na timi mai na i wasewase ena Ceva (Southern Zone) ka rua na timi mai na Yasayasa Vakara (Western Zone).
Ia ni mai oti na Semifainala ena mua ni macawa sa oti ena i wasewase na Tokalau rau sa cabe cake mai kina o RKS KEI QVS ena National Quaterfinal ni Under 18, ka rau sa na qai qitora na i ka 3 ni tutu o Tailevu North College kei Lelean Memorial School o koya ena qaqa vei rau ena i katolu ni timi me cabe cake talega ena National Quaterfinal.
Na i wasewase ena Ceva (Southern Division) rau sa cabe cake mai kina o Nasinu Sec School kei MGM High School ka rau na qai valataka na i katolu ni tutu o Suva Grammar School kei Marist Brothers High School.
Na i wasewase mai na Yasayasa Vaka Ra (Western Division) sa rau basika mai kina na koronivuli e rua o Ra High School kei Cuvu College.
Na kena vaka matailalai qai vakarorogo tikoga mai ena Vitifm 92.2FM/92.6FM./92.0FM/92.4FM
