CABETA EDUA NA DELANA CECERE NA DAUNIVAKATAGISICI ENA RAKAVI O TEVITA ROKOVERENI.
Written by Maikeli Radua on February 25, 2025
Picture credit: Travis Prior/World Rugby
Ni oti e 8 na yabaki ena nona cakacaka vakadaunivakatagisici ena qito na rakavi, sa qai digitaki na cauravou ni Matamaivere,Namara Tailevu qo o Tevita Rokovereni me vakatagisici ena dua na fainala ni HSBC WORLD SEVEN’S SERIES ka rau a fainala kina o Argentina kei Spain.
Marautaka vakalevu na i sausau qo na i wasewase na Oceania kei Viti.
Otioti ni gauna me vakaitavi kina edua na refari e Viti ena fainala ni 2009 Hong Kong 7’s, a vakaitavi kina na High Performance Referee Manager ena gauna qo o James Bolabiu.
Sa oti qo e 16 na yabaki sa qai cabeta tale o Viti na delana cecere qo me vakatagisici tale ena dua na fainala levu ni HSBC WORLD SEVEN’S SERIES.
Kena i tukutuku matata qai vakarorogo tikoga mai ena Vitifm 92.2FM/92.6FM/92.0FM/92.4FM
Reader's opinions
Continue reading
