CAVUTI NA YALAYALA NI VAKAMAU ENA TALEVONI(VIDEO CALL)NI BERA NI KACIVI NA BULA NEI CAURAVOU.
Written by Mika Qalobula on November 23, 2021
E a mai kacivi na bula nei Apenisa Uluirewa ni oti ga e 5 na miniti ni nodrau a mai vakavoutaka kina na nodrau yalayala ni vakamau,kei na marama na watina o Iva Qounadovu,ena talevoni(video call),me vaka ni tu vakayawa sara mai Ositerelia ena vuku ni cakacaka,ka ni se sogo tale tu ga na veivukayaki.
Rau a vakamau vakamatanitu na veiwatini oqo ena 2019,ni bera ni toso ko Iva ki Ositerelia,ka rau biu tu mai na veitamani,ia, sa rau dau veiqiriti tiko ka sa tiko nai tuvatuva me rau na laki vakamau ena vale ni lotu na Cathedral mai Parramatta,ka qai mai seva ni a qai tauvi Apenisa na colorectal cancer,ka mai kau tani sara ga kina na nona bula.
Me vaka ni sa toso sobu tiko ga nai vakarau ni bula nei Apenisa ena bibi ni cancer,rau sa mani dau qai veiqiriti kei Iva, ka sa rau duavata me rau sa na vakavoutaka rawa na nodrau yalayala ni vakamau.
E ratou qai laki vakarautaka mai e dua na Turaga Matua Tabu(Priest),na wekadrau ka me rau sa mai vakavoutaka kina na nodrau yalayala,ia na gauna sa qaravi tiko kina na cakacaka bibi oqo,sa qai kerea o Iva me toso vakavoleka na itaba(camera) vei Apenisa na watina,ka sa raica i kea o Iva na mosi kei na vutugu levu ena bibi ni mate e sa tu vua,ka qai cavuta vua ‘AU DOMONI IKO’,ka oti vinaka saraga o ya,sa qai cavuka na nona i cegu.
Source – ABC News.
