CICIVAKI E VALENIBULA O ROCKI HUNI NA DAUVEIVACU ENA MOSI NI KETE

Mai vakila na cauravou yabaki 23 na jabeni ni Heavyweight mai Ositerelia qo o Rocki Huni e dua na mosi ni kete kaukauwa ni oti na nodrau sota ena veivacu kei Kiki Leutele na cauravou ni Niusiladi ena Siga Vakaraubuka sa oti. Sa veivacu oti vaka vitu ena bibi qo o Huni ia e se bera vakadua ni bau druka ka namaki mena dede vei koya na beleti oqo baleta ni se tu donu sara tuga.

Mai tarova koso na daunilewa na veivacu oya ni oti nona viritaka e dua na i vacu kaukauwa o Huni vei Leutele ka vuna nona viritaka vakaveitalia na yavana ena rigi mai Brisbane’s Nissan Arena ena Siga Vakaraubuka.

Vakaraitaki ni mai cicivaki e valenibula o Huni me lai qaravi vakavuniwai ena mosi e lako curuma. Eya sele talega na tabai Huni ena loma ni 18 na vula sa oti ni oti na nona vakadrukai Paula Gallen enai ka 10 ni wavoki. Tuvatuvaka tale o Huni me na rua nona veivacu ena vula o Veverueri me na rawa ni lade cake yani ena i vakatagedegede ni veivacu e vuravura.

Source : Stuff.Co