Druka na Crusaders ena drop goal nei Will Harrison mai na Waratahs.

Ke dua na timi e rawa ni sogota na qito ena itoitoi ni vica na miniti , oya na timi ni Crusaders. Ia , mai suruta na pusi na nodratou i naki ni mai vakacuruma na poidi koula ko Will Harrsion ena dua na drop goal vakaciriloloma.

Ratou dei ena qaqa na Crusaders ena gauna mai tabaka kina e dua na sikoa o Christian Lio-Willie ka ratou mai liu kina ena 40-37 ni vo toka ga e vica na miniti me oti na qito. Sega tale ni vakabera na gauna o Rivez Reihana ena nona caqeta curu e dua nai totogi mai na timi ni Waratahs me rau mai tai toka.

Mai dolava na katuba ni qaqa kei na nodratou tekivu kabakoro yani na Waratahs na gauna mai totogitaki kina ena pepa dromodromo o Johnny McNichol ena ‘deliberate knock-on’.

Ia , vakaraitaki koya sara ena qito oya o Sevu Reece , ni a mai tabaka talega kina e rua na sikoa. Ena qito talega oqo rau sa mai tautauvata toka ena levu ni sikoa ka rau  tabaka ena timi ni Crusaders o Sevu kei Caleb Ralph ena 62. Caleb a qito oti vaka 126 ena timi ni Crusaders , Sevu se qai 66.

Mai cava na qito , ratou mai qaqa na Waratahs ena 43-40.

source:stuff.co.nz