DUA NA MARAMA E LAUCOQA MATE MAI NA I KELEKELE NI BASI MAI LAUTOKA

Marama yabaki 62 mai Lovu e mai leqa ni kua ni oti na nona mai laucoqa ena dua na basi ena Tukani Street mai Lautoka.

E yaco na veika oqo rauta ni vo e 20 na miniti me 12 na kaloko ena sigalevu ni kua.

Cicivaki na marama e valenibula ia e ka ni rarawa ni sa mai leqa.

Na draiva ni basi yabaki 52 ka veicoqa esa vakatarogi tiko ena gauna qo vei iratou na tabacakacaka ni ovisa.