E SE BERA NI DUA NA RIVOTE E RATOU CIQOMA NA TABANA NI OVISA ME BALETA NA EBAYSHOP.
Written by Mika Qalobula on September 12, 2023
E vakaraitaka na tabana ni Ovisa ni ratou sebera ni bau ciqoma e dua na rivote me baleta na nodratou cakacaka na EbayShop, ka gauna eratou na ciqoma kina, eratou na vaqaqa vakavinaka.
E ratou tukuna ni ratou ciqoma tiko eso na rivote ni online scam ena vei-yasana taucoko, ia, o ira na cakava tiko na veika oqo era tiko mai Valagi.
Sa ratou vakaraitaka talega ni 21 na kisi ni online scam eratou ciqoma,ka yaco ena noda vanua, ia, o ira kece oqo sa tiko ena mataveilewai na nodra kisi.
Ia,e ratou vakaraitaka ni ratou sa cakacaka vata tiko na tabana ni Cybercrime kei na vei-kabani ni qiri, ena nodra vakatakilai o ira era vakayacora tiko eso na cakacaka butobuto ena kena vakayagataki na MPAISA.
E ratou sa veivakauqeti tiko kina na tabana ni Ovisa kivei keda na Lewenivanua meda dau dikeva vinaka eso nai tukutuku eda ciqoma, ka gauna eda vakauta kina nai lavo, ena dredre na kena kau lesu mai.
https://www.fijivillage.com/news/No-reports-against-the-operations-of-EbayShop-as-yet—Police-rx54f8/
VITI FM 92/92.2/92.4/92.6FM-E KAMICA QAI KACHI!
I VUREVURE-FIJI VILLAGE.
