TAURI VAKAVESU E LEWE 5 NA LEWENIVANUA NI KUNEI VEIRATOU NA WAIGAGA NI VEIVAKAMATENITAKI.

E ratou lewe 5 na Lewenivanua e ratou tauri tiko vakavesu ena gauna oqo ni oti na kena laurai vei ratou na Waigaga ni vei-vakamatenitaki.

E vakaraitaka na Vukevuke Vakatawa ni Komisina ni Ovisa ACP Livai Driu ni dua na nodratou timi mai na siteseni ni Ovisa e Seaqaqa esa vakayacora tiko ena gauna oqo e dua na veivakaqaqai ena colo kei Vunikoko ena vanua,ka vesu kina na tagane yabaki 22,ka basika yani ena nona veiteitei,ka qai raica ni ratou sa cavucavu tiko na Ovisa na Mariwana.

E kuria o ACP Driu ni tauri rawa e rauta ni 3,700 na vunikau e cavuti mai ena iteitei oqo,ka vakabauti ni Mariwana.

E vakaraitaka talega o ACP Driu nia curumi vakauakauwa yani e dua na itikotiko e Caubati ka rau vesu kina e rua na Lewenivanua dua e goneyalewa yabaki 23,ka dua na cauravou yabaki 25, ka vakabauti ni laurai vei rau na mariwana.

Ka Vakaraitaka talega o koya ni rau tobo talega mai e Lautoka e rua na turaga, ni oti na kena curumi vakaukauwa yani na Otela,ka rau tiko kina, ka laurai vei rau na Waigaga ni veivakamatenitaki,ka vakabauti ni Methamphetamine.

E Vakaraitaka o koya ni dua na ituktutuku ni Veivakayaloqaqataki ena nodratou tabana ni veiqaravi na kena ciqomi tiko eso na itukutuku vaka oqo, vei ira na nodratou timi era vakatabakidua ena kena vakaqaqai na kisi vaka oqo, ka tiko talega na kauwai kei na ririko ni ra oka tale tikoga na Gone lalai ena kena volitaki na Waigaga ni vei-vakamatenitaki, ka sa tu na nona vakanuinui na ivukevuke ni komisina nida na cakacaka vata na lewenivanua ena kena tarovi na ivalavala butobuto oqo.

https://www.fijivillage.com/news/5-in-custody-for-drugs-x8f5r4/

VITIFM 92/92.2/92.4/92.6 FM-E KAMICA QAI KACHII!

I VUREVURE-FIJI VILLAGE.