E TUKUNA NA MINISTRY NI VULI NI NAMAKI MERA NA TIKO KECE YANI NA GONEVULI ENA SIGA NI MATAKA.
Written by Rosena Volavola on February 5, 2023
E tukuna na Ministry ni Vuli ni namaki mera na tiko kece yani na gonevuli ena siga ni mataka me vaka ga na veika eratou a sa kacivaka taumada.
Eratou tukuna, ni vei ira na vei koronivuli lelevu ni curu I bure, era na ciqomi tiko na kena gonevuli me tekivu mai ni mataka ki na siga Tusiti ka na qai tekivu vakadua na nodra vuli ena siga Vukelulu.
Eratou tukuna ni oqo ena laurai mai na vei koronivuli ka na vakatau-taki tiko enai wiliwili ni gonevuli kei na balavu ni vanua era na lakova yani na gonevuli.
Eratou kuria ni koronivuli me vakataki ACS, RKS, QVS kei St John Cawaci, era na vakayagataka nai matai ni rua na siga ena nodra vakacurumi na gone curu I bure ka na qai tekivu tiko na nodra kalasi ena siga Vukelulu.
E tukuna na Ministry ni Vuli nio ira na day scholar, mera na tiko yani I koronivuli ni mataka ka mera laki vakacurumi rawa ka na me laurai kece na veika me baleti ira ni bera ni qai tekivu na vuli ena siga Tusiti.
Eratou kuria ni sega ni yaga me dua tale na nodra siga ni vakavakarau na qasenivuli ni mataka me vaka ni ra a se tekivu tu mai ena macawa sa vakanadakui.
Vurevure: FijiVillage
