Eddie Jones kei na veiqati ena kauta mai kina lewe ni timi ni Wallabies.
Written by Atu Kurumudu on January 23, 2023
Vakaraitaka na duru ni Wallabies ka kavetani talega ni Brumbies o Allan Alaalatoa nira kurabuitaka na nona sa mai vakacegui o Dave Rennie kei na nona sa veisosomitaki tale mai o Eddie Jones.
Kacivaki mena veituberi o Jones me yacova na 2027. Tomana ka kuria o Allan ni nanumi Rennie ena kena mai cava koso tu na nona konitaraki ka ni se qai mai yabaki 3 tikoga na nona liutaka na timi ni Wallabies.
Ia, ena vukudra na cauravou lewe ni timi ka se bera vakadua nira tovolea na veiliutaki nei Jones, kaya o Allan ni oqo e dua na gauna vinaka mera na laveta tale kina nai vakatagedegede ni nodra qito kevaka era vinakata mera na maka vinaka vei Eddie Jones.
source:stuff.co.nz
