Ena calata na imatai ni cawiri ni Rugby Championship na kavetani ni All Blacks , Scott Barrett.

Ena rairai calata tiko na imatai ni cawiri ni Rugby Championship ena vula mai oqo na kavetani ni All Blacks ko Scott Barrett ni a sele na i-qaqalo ni lagana.

E vakabauti ni a mavoa ena gauna ratou a sota kina kei na timi ni Igiladi kei na gauna talega a qito kina ena sota kei Viti.

Se bera tiko ni vakadeitaki na balavu ni gauna ena cegu tiko kina. Ia na veika sa mai yaco oqo , sa laki vakavuna na kena yaco na veiveisau kina ena itutu ni locks kei na kena digitaki e dua na kavetani vou me yacova na gauna sa na lesu tale mai kina o Barrett.

Matai ni nodratou qito na All Blacks ena  Rugby Championship oya ena sota kei Argentina e Wellington ena Okosita -10. Rau na qai sota tale na timi e rua e Okaladi ni oti tale e dua na macawa.

Tarava sara yani na sota kei Springboks e Johannesburg ena Seviteba – 1, kei na kena e Cape Town ena Seviteba- 8.

Ardie Savea, ka rau wasea tiko nai tutu vaka i-vukevuke ni kavetani kei Jordie Barrett, e nanumi tiko nina digitaki me sosomitaki Scott Barrett ena itutu ni kavetani.

No 8 Savea ka digitaki talega me World Rugby player of the year ni oti na World Cup e Varanise sa kavetani taka oti vaka 8 na timi ni All Blacks.

source:stuff.co.nz