Era kacivi tale na tuwawa ni qito ena timi ni Springboks ena sota kei All Blacks e Sauca Aferika.

Vakarautaka nona timi ni Springbok na coach o Rassie Erasmus kara lewena mai na veiyaca rogo ena rakavi ena noda vuravura ena rua na valataki vanua kei All Blacks e Sauca Aferika.Levu vei ira na lewena tiko mai na timi oqo era a qito vei Aferika ena fainala ni Rugby World cup ka ratou a qaqa talega kina.

Digitaki o Steven Kitshoff kina itutu ni prop, No 8 Jasper Wiese, halfback Jaden Hendrikse, centre Andre Esterhuizen ka vaka kina na nodratou ulility back o Canan Moodie kina lewe 37 ena sotasota ni Rugby Championship. Matai ni sota kei All Blacks ena vakayacori e  Johannesburg ena Seviteba 1 kei na kena ikarua e Cape Town ena Seviteba 8.

All Blacks No 8 Ardie Savea (matau) ena nona saga me levea na tackle ena valataki vanua kei Springboks e Johannesburg ena 2022.
Kim Ludbrook / Photosport

Ia , sa vakaraitaka talega na c0ach ni All Blacks o Scott Robertson, ni sa na daumaka tale na kavetani ka lock o Scott Barrett ena rua na valataki vanua oqo. Ena rairai calata tale tiko o Patrick Tuipulotu na qito e rua ena vuku ni mavoa.

Na Springboks duaduaga e se bera tiko ni druka ena rua na cawiri sa oti ni a vakadruka oti vakarua na Wallabies e Ositerelia. A druka talega na All Blacks vei Argentina ena nodratou imatai ni qito e Wellington, ni bera ni ratou mai qaqa ena ikarua ni sota e Okaladi ena macawa sa oti.

source:stuff.co.nz