ERA VUKEI ESO NA GONE ENA KEDRA I VASIGALEVU KI KORONIVULI.
Written by Maria Solomone on January 28, 2022
TISI Sangham Foundation:Photocredit:Sanghamfiji.com.fj
E rauta ni 3,706 na gonevuli ena noda vanua era ciqoma tiko na kedra i vakasigalevu ena veisiga ena ruku ni porokaramu ni veivuke mai na Fiji Programme Support Facility,ena veitokoni ni Australia’s Department od Foreign Affairs and Trade.
E kaya o Premila Kumar,na Minisita ni Vuli mai na i vakatagedegede ni veikoronivuli,era sara rawa na koronivuli na veigonevuli era gadreva na veivuke,ka ra vukei ena i vakasigalevu,nodra i yaya ni vuli,sulu ni vuli kei na veika tale eso e ganita.
Vakaraitaka tale ga o Kumar ni o ira na i liuliu ni veikoronivuli kei na Tabacakacaka ni Vuli rau sa cakacaka vata ena kena vaqarai na sala ni veivuke oqo.
E kaya tale ga ni gauna a dolavi kina na vuli ena Noveba sa oti,e rauta ni 257 e vakarautaki vei ira na veivuke eso ena nodra vakacokotaki ni lesu i vuli.
E vakaraitaka tale ga ni ra sa vulici oti e rauta ni 913 mai na Tabana ni Vuli na Child Protection Officers ena veikoronivuli ka vaka kina o ira na kena Daunivakasala me vaka ni vuqa vei ira na gone era lako curuma tu na dredre ena gauna qo.
Vakarorogo tiko ga mai ena Vitifm 92fm,92.2fm,92.6fm
source:fijivillage
