Ex-All Black Josh Kronfeld – tu vakarau me solia nona mona ena vuku ni CTE research.
Written by Atu Kurumudu on February 22, 2023
Solia nona veivakadonui na turaga ka dau mata taka na timi ni All Blacks ka qito ena itutu ni flanker o Josh Kronfeld me vakadikevi nona mona ena tabana ni vuli na CTE. Oqo na tabana ni ‘science’ ka dau vakadikeva na veimate eso ka dau tauvi ira na dauqito kara dau vakaitavi ena ‘contact sports’.
Kronfeld, sa yabaki 51, ka qito vaka 54 mai na yabaki 1995-kina 2000, ka kilai tani ena nona dau vakaraitaki koya ena gauna ni ‘breakdown’. E kaya ni a mai mavoa talega na uluna ena dua na qito ka vakaitavi kina, ka sega ni vakadeitaka se sa mavu na mavoa oya se sega.
All Blacks flanker Josh Kronfeld ena Rugby World Cup kei na timi ni Sauca Aferika ena 1995.
Ena Sigatabu , ratou a cicivka e dua na iyaloyalo lekaleka na TVNZ ka talanoataki kina na bula nei Justin Jennings, ka i sevu ni dua na dau qito e Niusiladi me tauvi koya na CTE ka a laki leqa sara mai Amerika ni sa yabaki 50.
Gauna sa mai leqa kina, sa qai soli na nona mona kina New Zealand Sports Human Brain Bank. Me yacova mai na gauna oqo sa ciqoma na tabana ni vuli oqo e 40 na ivola ni veivakadonui mai vei ira kara sa vakadonua me soli yani na nodra mona ena gauna era sa na mate kina ka dua vei ira na lewe 40 oqo sai Josh Kronfeld.
sopurce:stuff.co.nz
