GADREVA NA TABACAKACAKA NI OVISA ME VAKALEVUTAKI NAI WILIWILI NI NODRATOU LORI ENA VUKU NI VEIQARAVI.
Written by Mika Qalobula on July 24, 2023
E vakaraitaka na Chief of Operation ka i vukevuke ni Komisina ni Ovisa Livai Driu, ni ratou gadreva sara tikoga na Tabana ni Ovisa na kena vakalevutaki nai wiliwili ni nodratou lori, ka ratou sa nuitaka tale tiko ga ni na rawa ni vakalevutaki talega nai wiliwili ni Ovisa.
Oqori na nona i tukutuku ena nona a mai vosa tiko ena vatavata ni Fiji village Straight Talk kei Vijay Narayan, ka tukuna o ACP Driu ni ratou gadreva me so tale yani na nodratou motoka, me ratou rawa ni goleva ka vaqaqa vakavinaka eso na rivote ka ratou dau ciqoma.
Sa veivakadetaki o koya ka tukuna ni ratou sa biuta oti na nodratou vakatutu kina tuvatuva vakailavo ni matanitu, ka sa ratou ciqoma na kena vakalesui mai nai tukutuku mai na matanitu, ni sa na vakalevu taki tiko nai wiliwili ni lori ena nodratou tabana.
Ia,na gauna e tarogi kina me baleta na kedra i wiliwili na Ovisa, tukuna o ACP Driu, ni tiko na leqa ena tikina oqo ena vuku ni kena sebera ni yacova yani na 5000 na kedra I wiliwili,ka tomana ni gauna e laurai kina na kedra i wiliwili, e rawa ni vakatautauvatataki ni 1 na Ovisa e rawa ni veiqaravi tiko vei ira ka rauta ni 194 na lewenivanua.
VITIFM 92.2FM/92FM/92.6FM – E KAMICA QAI KACHI!!!
I VUREVURE – FIJI VILLAGE
