Gadrevi mera vukei na wekada na Solomoni.
Written by Atu Kurumudu on September 1, 2023
Eda vaka isa-isa nida vakasamataka lesu na italanoa ni biu vanua kei na nodra mai cakacaka ena noda vanua ena bula ni veivakatorocaketaki. Ia , sa balavu mai na gauna e vaka era sa sega tu ni kauwaitaki ka dodonu me caka kina e dua na ka.
Ena veitalanoa ni Vakariba-Malamala ena siga Lotulevu e nanoa erau a mai vakamacala kina ko Milika Baukitoga kei Ananai Tagacake mai na Fiji Council of Social Service ka rau kaya ni sa tekivu tiko ena gauna oqo na kena vakasokumuni nai tukutuku me baleti ira na wekada na Solomoni keina veika e sa tuvatuvaka kina na matanitu ena nodra vukei.
Tomana ko Ananai ni sa tubu na kedra i wiliwili ka sa lailai na tiki ni qele e soli vei ira mera vaka itikotiko kina. Oqo sa laki basika tale mai kina na veileqa tale eso ka sagai tiko me vaqarai na kena iwali ena gauna oqo. Oqo me vaka na biuvuli dole , sa sega na gauna ni vuvale ni sa vei oso-osoti na vale, nodra vakayagataki na gone ena kena volitaki na waigaga ni veivaka matenitaki kei na vuqa tale.
Ni oti ga na veitalanoa , sa tatau tale ko Ananai me gole sara ki Lami ena nodra laki qaravi na vaka itikotiko kina ni bera ni ratou biuta vata na nodratou ripote ena na valenivolavola na FCOSS kina tabana veiwekani ena matanitu.
source:VITIFM
