GADREVI VUA NA MATANITU ME RAILESUVA TALE MADA NA NODRA GOLE TIKO NA ITAUKEI ENA CAKACAKA NI SEASONAL WORKERS ENA POROKARAMU NI PALM SCHEME.

E vakaraitaka e dua na lewenivanua mai Naitasiri ena kena vakayacori ni Bose ni yasana o Naitasiri e Lutu e Wainimala, kevaka e rawa vua na matanitu me railesuva tale mada na nodra gole tiko vakayauyau na itaukei ena cakacaka ni seasonal workers ena porokaramu ni PALM SCHEME,me vaka ni sa lala mai na Delaniyavu,ka sa sega talega ni teivaki na vanua.

E vakaraitaka na Minisita ni tabacakacaka itaukei, Ifereimi Vasu ni sega ni dua na kaukauwa e tu ena matanitu me tarovi ira na lewenivanua ena nodra via laki cakacaka ena seasonal workers.

E tomana na nona vakamacala o Vasu ni na vakayacori e dua na kena railesuvi ni cakacaka oqo,ena vuku ni revurevu ni veika esa basika tiko mai ena nodra sa laki cakacaka tiko na Lewenivanua ena PALM SCHEME.

Ia,ena gauna oqo e ratou sa cakacaka vata tiko na Matanitu,ena kena gadrevi me vakarautaki e dua na lawatu me baleta na nodra sega ni laurai vinaka tiko o ira na noda Lewenivanua era gole vaka seasonal workers e Ositerelia ena PALM scheme.

E vakaraitaka na veika oqo na Minisita ni Veivakacakacakataki, Agni Deo Singh ena nona laki dolava na veitalanoa ena Pacific Conference of Churches’ Consultation on Pastoral and Practical Care for Migrant Workers ena Pacific Theological College nikua.

E kaya o Singh ni ra vakaraitaka tiko mai na nodra kauwai na seasonal workers ena sivia ni musumusu e vakayacori tiko ena kedra isau.

https://www.fijivillage.com/news/Stop-landowners-from-taking-part-in-PALM-Scheme-f5x48r/

VITIFM 92/92.2/92.4/92.6FM-E KAMICA QAI KACHI!

I VUREVURE-FIJI VILLAGE.