George North: Vakarau vakaliliga nona ivava ni qito mai na valataki vanua.
Written by Atu Kurumudu on March 14, 2024
Sa vakaraitaka o George North ni sana vakaliliga tiko na nona ivava ni qito mai na valataki vanua ni oti ga na sotasota ni Six Nations ena Vakarauwai.
Dau qito ena itutu ni centre na cauravou oqo , ka sana cava tiko ni nona qito ena sota kei Italy ka me i otioti talega ni gauna me daramaka kina ena ika 121 ni gauna na ‘jersey’ damudamu ni nona matanitu.
George North – rua nona sikoa ena nona imatai ni qito vei Welesi ni se qai yabaki 18 ena valataki vanua kei Sauca Aferika.
Se qai yabaki 31 na cauravou oqo ka ikatolu ni dauqito me vakalataki Welesi vakabalavu duadua ena rara ni qito. Vei rau tale na lewe rua sai AlunWyn Jones kei Gethin Jenkins.
Vica tale na dauqito ni Welesi era sa kerea nodra vakacegu sai , Justin Tipuric, Rhys Webb, Josh Navidi, Dan Biggar kei Leigh Halfpenny.
source:bbc
