KACIVAKA O DANE COLES NI SANA VAKALILIGA TIKO NONA VAVA NI CAVA NA YABAKI QO 2023
Written by Demesi Kakaya on February 9, 2023
Vakadeitaka na Hooker ni Mata timi ni All Blacks o Dane Coles ni sana vakaliliga tiko nona vava ni cava na yabaki qo 2023. E tekivu lewena yani na timi ni All Blacks o Dan Coles ena yabaki 2007 . Sa bau mai laveta talega o koya na Webb Ellis Trophy ka bau kacivaki talega na yacana ena World Rugby player of the year nominee.
Na turaga yabaki 36 e dau lewena tale tuga na timi ni Hurricanes ka sa valataki vanua oti vaka 100 ka tabaka rawa kina e 20 na sikoa ka dabe tiko ena i ka tolu ni tutu kei Ardie Savea.
Vakaraitaka na CEO Mark Robinson ni Rakavi e Niusiladi na nona vakavinavinaka vei Coles ni o koya e dua na dau qito yalo dina ka vakaraitaki vinaka. Vakadeitaka talega na Dauniveivakatavulici ni All Blacks o Ian Foster ni dau kauwaitaka vakalevu nona vuvale o Coles ka dau soli kece kina na nona vinaka.
SOURCE : STUFF.CO
