KACIVAKI NA NODA MATA TIMI NI LEWE YA 7 KINA WORLD CUP.
Written by Rosena Volavola on September 1, 2022
E sa mai digitaki na Timi ni Viti lewe ya 7 kina sotasota ni Rugby 7s World Cup, ia e dua ga na veisau, oya na nona sa mai lewena na timi o Sireli Maqala. E dei tikoga na coach o Ben Gollings na nona mai digitaki Waisea Nacuqu enai tutu ni Kavetani, ena nodratou a sasaga meratou rawata nai ulu ni cocovi ni sotasota qo, kani a otioti ni gauna eratou a rawata kina oya ena yabaki 2005.
Oqo talega e vica na yaca ka sa mai kacivaki talega na yacadra ena sotasota qo, oya o Josua Vakurunabuli, Josefa Talacolo, Jerry Matana, Sevuloni Mocenacagi, Elia Canakaivata, Iosefo Masi, Jerry Tuwai, Filipo Bukayaro, Filipe Sauturaga, Kaminieli Rasaku, kei Vuiviwaya Naduvalo.
Na sotasota ni Rugby 7s World Cup ena vakayacori tiko mai na Vakaraubuka kina sigatabu mai oqo e Cape town mai Sauca Aferika.
Vakarorogo tikoga mai ena VITIFM 92.FM/92.2FM/ 92.6FM
E KAMICA QAI KAJI!!!
SOURCE: fijivillage
