KACIVI NA BULA NEI GUCAKE GILMAN LASAISUVA.
Written by Maikeli Radua on March 6, 2023
Picture credit: Jim Ratusila.
Isa sa vagauna na kecega ena vuravura qo, dua na siga eda sucu kina dua tale na siga eda na mate kina. Ka sa biu tu mai na rogo, na i tutu, na vuvale kei na veiwekani.
Sa mai kacivi ena macawa sa oti na nona bula edua na dau lagasere rogolevu ena noda vanua kei na Wasa Pasifika o Gucake Gilman Lasaisuva.
E kilai levu sara o Gilman ena yabaki vitusagavvulu vakacaca ka lewena kina na matasere na Dragon Swingers ka dau qiriqiri voli ena Dragon Night Club.
E sega walega ni daulagasere o Gilman edau qiria talega na Bass Guitar/Guitarist/Keyboard ka kilai levu talega o koya ena so na sere ka bulia me vakataka na:
- Ramatau
- Sevataki (Composer Esava Drelo ka katona taumada na Waikoula kei Tavua ka qai mai vakavoutaka o koya na kena i lagalaga kei na kena i vakatagi)
- Au sa tamata ca.
- Luvuci Au
- O Lakeba
E a vakayabaki sara nona tu mai Noumea o Gilman ka bau laki vakaitavi vakalevu sara ena katokatoni vei ira na veimatasere mai New Caledonia.
E a bau mai gusu ni vosa talega nei Lucky Dube kei na matasere na O’Yaba ena gauna eratou mai vakaitavi kina ena noda vanua….ka vakaitavi talega o Gilman ena nodratou saini na Black Rose ena Studio rogo na Mangrove Studio e New Caledonia me ratou katokatoni kina.
Sa solia ko Jiova sa kauta tani tale ko Jiova me vakavinavinakataki ga na yacai Jiova…..Moce mada Gucake Gilman Lasaisuva.
Vitifm 92.2FM/92.6FM/92.0FM
