KAMA YAVU NA SHREEDHAR MOTORS MAI WAILADA E LAMI

E mai kama yavu tale na Shreedhar Motors mai Wailada e Lami e na bogi, ka ratou sa cakacaka vata tiko na tabana ni veivaqaqai ni Tabana ni Bokobuka kei na Tabana ni Ovisa e na kena vakatakilai se cava e vuna na kama oqo.

E ratou vakadeitaka mai na Tabana ni Bokobuka ni sega ni dua e vakaleqai se mavoa e na kama oqo.

E tukuna na CEO ni Tabana ni Bokobuka o Sowane Puamau ni mai na vula ko Janueri me yacova mai ni cava na vula ko Jiune, e tauri rawa e 69 kece na vale e a kama e na gauna oya ka vakatautauvata-taki ki na 54 na vale era a kama e na gauna vata oqo e na yabaki sa oti.

E sa vakamamasu tiko kina o Sowane ki vei ira na taukei ni vei-bisinisi e na kena raici vakamatua na nodra vanua ni bisinisi me vaka ni kauwaitaki vakalevu na nodra bula o ira era cakacaka tiko kina.