KAUWAI O TEVITA BULICIRI ENA KENA BUTAKOCI NA NONA VEI TAVIOKA.
Written by Mika Qalobula on April 8, 2024
E kauwai sara vakalevu o Tevita Buliciri ena kena mai butakoci na nona loga ni tavioka ena mua ni macawa ga eda se qai vakanadakuya,ka mositi koya dina ena nona lako yani ena mataka nikua,ka raica ni sa cavu kece tu na kena vo, ka a nanuma tu ni ratou na rawa ni bula toka kina.
Na veitavioka qo nei Tevita e tiko mai Namara,e Khalsa Rd,ka sa bau mositi koya dina nai vakarau vakaloloma e mai yaco oqo,ka laurai kina ni sa yali na noda i tovo ka batabata na bula vakaveiwekani.
E tukuna o Tevita na Turaga ni Kadavu koro,mai Naceva ena tikina o Kadavu,ni sa na qai macala ga se o cei ena soro,o dau butako se o koya na dau teitei,ka tomana ni na sega vakadua ni na guce ena nona teivaka na qele,ka laurai talega ni ratou cavuta vakaca na tavioka ni ra se vo tu ga ena loma ni teitei,ka sa bau vakaloloma dina.
VITIFM 92.2FM/92FM/92.6FM/92.4FM. – E KAMICA QAI KACHIII.
I VUREVURE & I TABA – TEVITA BULICIRI.
