KENA I SEVU NI GAUNA ME TALEVI NA VITIFM
Written by Mika Qalobula on May 8, 2023
E dua na siga guiguilecavi dredre vei ratou na cauravou mai Vaturova mai Cakaudrove,na siga nikua ni ratou mai butuka saraga ka curuma na studio ni VITIFM,ka ratou dau rogorogoca tu ga mai na koro na kakaburaki e dau vakayacori tu yani kina.
O Onisivoro Qaqa Ratumaivalelevu,kei Waisea Tuiraviravi e raucavutu mai Naiyarabale,Vaturova kei Randel Smith Voce mai Korotasere,Vaturova,e ratou a gade tu mai ena Vitifm ena bogi nikua ka se qai i sevu ni gauna me ratou mai butuka saraga na vanua ni kakaburaki,ka ratou sa bau marautaka dina vakalevu.
E ratou vakaraitaka ni sa na nodratou i talanoa lesu na nodratou sa mai butuka ka sarava nai walewale ni veiqaravi ena VITIFM,me vaka ni ratou dau marautaka na dau vakarorogo kina vakabibi na vei sere totoka e so ka dau vakaseavu tu ni oca,ka vakabibi ena gauna e ratou dau tu mai kina ena nodratou i teitei.
VITIFM 92.2FM/92FM/92.6FM – E KAMICA QAI KACHI!!!!
