Kere veivosoti na isoqosoqo ni rakavi e Sauca Aferika.
Written by Atu Kurumudu on September 4, 2024
E ratou sa kere veivosoti na South Africa Rugby ena ivukivuki ka laurai ena sota kei All Blacks ena macawa sa oti. Oqo ni oti na kena vakacabotetaki na rokete kei na kena vuka kosova na rara e Johannesburg e dua na waqavuka levu ena gauna e vakarau vakacibi ivalu kina na timi ni Niusiladi ena Haka.
Sa vakaraitaka 0 Rian Oberholzer na chief executive ni SA Rugby ni iyaloyalo e basika esa nanumi kina ni sega ni dokai kina na timi ni All Blacks.
Kuria ni sega ni nakiti na veika ka a yaco ena nodra sa mamarau na dau saraqito ka kuria na nodra kaikaila ena kena sa tucevu mai vakasauri na domo ni sere ena ‘loud speaker’ lelevu ena batini rara.
The All Blacks ena nodratou haka ena sota kei Aferika ena sotastao ni Rugby Championship.
Gavin Barker/BackpagePix / Photosport
Tukuna o Scott Hansen na ivukevuke ni coach ni All Blacks ni a sa rogoca na sere ni vakarau cava tiko na haka , ia e vakaraitaka ni ratou dei tikoga na lewe ni timi ena nodratou vakacavara vinaka na itavi [haka] oya.
Caleb Clarke – a tabaka rawa e rua na sikoa vei All Blacks.
Themba Hadebe / AP
Vakaraitaka talega o Hansen ni ratou sa ciqoma na kere veivosoti mai na i soqosoqo ni rakavi e Sauca Aferika.
Rau na sota tale tale tiko na timi e rua e Cape Town ena Sigatabu oqo.
E dodonu me ratou na qaqa na timi ni All Blacks kevaka e ratou na gadreva me ratou na maroroa tale nai cocovi ni Rugby Championship.
source:stuff.co.nz
