KUNEI E 32 NA WAIGAGA NI VEIVAKAMATENITAKI ENA VEI KORONIVULI

E ratou vakaraitaka mai na Substance Abuse Advisory Council ni tauri rawa e 32 na kisi ni waigaga ni veivakamatenitaki ena vei koronivuli ena imatai ni 5 na vula ena yabaki qo.

E 12 na kisi e laurai ni mariwana, 2 e vakabauti ni methamphetamine, 8 na kisi ni suki, 8 talega na kisi ni yaqona ni vavalagi kei na 1 na kisi ni ceru glue.

E vakaraitaka na tikina qo na ivukevuke ni Minisita ni Vuli o Iliesa Vanawalu, ena kena laki dolavi na soqo ni International Day Against Drugs and Illicit Trafficking e Nasinu Secondary School.

Nisa vakananumi na itubutubu keina dauniveisusu ena bibi ni nomuni yadrava tiko na nodra wanonovi matua na luveda ena veika era vakayacora.

Vakarorogo tiko ga mai ena VITIFM