KUNEI NA VEIMATAQALI VATU TALEI DUI ROKA ENA DELANA MAI NAKOROWAIWAI,E NALIDI,NAKOROTUBU MAI RA.
Written by Mika Qalobula on January 21, 2025
E veivakurabuitaki na veika e mai laurai ena loma ni dua na qara,mai na vei delana e Nakorowaiwai ena koro vakaturaga o Nalidi ena loma ni colo kei Nakorotubu,ena yasana vakaturaga o Ra.
Na veika e mai laurai oqo e tukuni ka vakabauti ni sa vaka na veivatutalei ka totoka na kedra i rairai ,me vaka ni matalia na kena saravi.
E vakaraitaka o Veni Kedremau,na cauravou ka a raica na veika oqo,ni a werewere voli tiko ga ena nona i teitei,ka koto ravita na tolo ni Delana oqo o Korowaiwai,ni a vakila e dua na cagi sa batabata vinaka ni liwa toka mai ena gusu ni qara ko Nalari,ena tolo ni Delana o Nakorowaiwai,ka mani gole sara yani me raica na gusu ni qara,ka curuma yani,ka kurabuitaka nona sa raica e loma ni qara na duidui roka ni veimataqali vatu talei.
Na veika oqo,e sega soti sara ni kiadacalataki vei ira na lewe ni koro mai Nalidi me vaka ni sa Porofisai taki oti tu,ni davo no ena ruku delana o Nakorowaiwai na beseni na waiwai levu ka sevura tiko ena gauna oqo ena veiyasai Vuravura.
Na yaca talega ni koro ko Nalidi,e kena i balebale ni Na LIDI ki VURAVURA,ka rairai sa kena gauna ni sa kunei na Vatu Talei dui roka,ena nodratou delana mai Nakorowaiwai.
I VUREVURE – Veni Kedremau
I TABA – INOKE TURAGA
