KUNEI TALE NA CAURAVOU YABAKI 15 KA MAI YALI TIKO KA SE YALI TIKOGA NA GONEYALEWA YABAKI 17

E se vaqarai tikoga ena gauna oqo na goneyalewa yabaki 17 o Asinate Kotoitotoya ka rivotetaki ena siteseni ni ovisa e Valelevu ni yali tiko.

Nai otioti ni siga ka laurai kina ena nona biubiu mai nodratou vale enai ka 15 ni siga ni vula oqo o Feperueri.

Sa kerei vakabibi na noda veivuke na lewenivanua kevaka o ni raici koya se kila na vanua e tiko kina, rawa ni o ni veitaratara ki vei iratou na tabana ni ovisa ena Crime Stoppers na 919 se kina Southern Division Command Centre ena 9905529.

E na gauna oqo sa kunei tale na na cauravou yabaki 15 o Aminiasi Rogo, koya ka rivotetaki ni a yali ena siteseni ni ovisa mai Nabua.

E ratou mai cakacaka vata na ovisa ena nona vakasaqarai na cauravou oqo, ia esa mai kunei tale ka sa vakasukai tale vei iratou na lewe ni nona vuvale.

Na vakavinavinaka levu vei kemuni na lewenivanu ena kena veiwaseitaki tiko nai tukutuku ena mona livaliva.

image: Fiji Police Force