LADE ENA REKI NA DAU LAVE KABI NI SAMOA.

E lade ena reki na dau ni lave ka bi(weightlifting),o Don Opeloge mai Samoa,ena nona mai rawata na nodratou i matai ni metali koula ena sotasota levu ni Commonwealth Games,ka vakayacori tiko mai Birmingham,mai Igiladi.

Na nona mai qaqa oqo e ra marautaka kece o i ra na kai Samoa e ra sarasara tu ena weightlifting arena,ka laurai na nodra danisi kei na kaikaila ni sa mai rawati na qaqa,me vaka ni a taura o Opeloge na metali Siliva ena sotasota mai Gold Coast ena 2018,ena veisivisivi ni 85 na kilokaramu(85kg).

E mai tekia talega e dua nai sausau ena Commonwealth Games qo o Opeloge,ena nona laveta rawa na 171 na kilokaramu(171kg),ka soqoni vata kei na 381 na kilokaramu(381kg) ena vakatagedegede ni 95 na kilokaramu(95kg).

Na levu ni nona  marau o Opeloge,e a qai vakataubena na nona i taube damudamu(ulafala),ki vei Taniela Rainibogi,na noda cauravou i taukei,ka mai tara na metali varasa.

Vakarorogo mai ena VITIFM 92.2FM,92FM kei na 92.6FM.

VITIFM – E KAMICA QAI KACHI!!!!