LEQA DUA NA TURAGA YABAKI 24 ENA VUKU NI VAKACALAKA E GAUNISALA

E mai leqa e dua na turaga yabaki 24 ena vuku ni vakacalaka e gaunisala ena bogi mai Korovuto, Nadi. E mai yaco na leqa oqo ni oti toka na 11 na kaloko ena bogilevu.

E ratou vakaraitaka na tabana ni ovisa ni kilakasamitaki ni segani lewa rawa vakavinaka na nona vakau lori na turaga oqo ka vakavuna me gole tani mai ena gaunisala ka coqa e dua na duru.

E ratou tomana ka kaya ni qai cicivaki koya ena valenibula levu e Nadi e dua tale na lewenivanua ka donumaka yani na vakacalaka o ya, ia kani rarawa ni sa mai leqa koso na turaga oqo.

Sa tomani tiko ena gauna oqo na nodratou veivaqaqai na tabana ni ovisa.

Sa toso cake sara nai wiliwili ni leqa vakacalaka e gaunisala kina 59 ni vakatautauvatataki kei na 22 nai wiliwili ni leqa ena gauna vata ga oqo ena yabaki sa oti.

I vurevure: Fijivillage

VITIFM: 92.0/92.2/92.6 fm