LEQA ENA NOA E DUA NA MARAMA ENA VAKACALAKA E GAUNISALA
Written by Maria Solomone on October 26, 2022
Marautaki na Diwali ena noa,kalou ca e dua na vuvale ena nona mai sotava na vakacalaka e gaunisala e dua na nodratou lewe ni vuvale mai Lautoka,ka kacivi kina nona bula.
Vakaraitaka na tikina qo na Chief Operations Officer ACP Abdul Khan mai na tabana ni Ovisa,ni yaco na vakacalaka qo ena 9 na kaloko ena mataka ena noa,mai na delana e Teidamu,ena Kings rd,mai Lautoka.
Kaya o Khan ni rau gole tiko mai na marama yabaki 36 kei na luvena vula 7 mai Ba me rau gole ki Lautoka,ka nanumi ni rairai a moce o tinani gone qai gole tani mai gaunisala na motoka e draiva taka tiko,sotava kina na vakacalaka ka leqa tale ga ena gauna vata ya.
Ia, ciqomi rawa mai na vuvale,ni rairai sa oca beka ena nona draiva tiko mai,ka yaco kina na vakacala.
Veivakasalataki o ACP Abdul Khan veikemuni na dau vakau lori,mo na dau qaqarauni ena nomu vakau lori,tovolea mo dau vakacegu vinaka,me ra nanumi na pasidia kei na nomuni bula kei na nodra bula na dau vakayagataki gaunisala.
Ivurevure:fijivillage
