Leqa ena vakacalaka ko Kelvin Kiptum – world record holder.
Written by Atu Kurumudu on February 13, 2024
Na jabeni ni vuravura ka taukena tiko na kena metali ko Kelvin Kiptum e sa mai leqa ni oti e dua na vakacalaka. Sa yabaki 24 na cauravou ni Kenya oqo ka mai leqa ena Sigatabu.
A kacivaki taumada na yacana me lewena na timi ni Kenya kina sotasota levu ni Olympic ena mua ni yabaki oqo. Mai ciciva rawa na 26.2 na maile se [42km] ena loma ni 2 na auwa 35 na sekodi ena vula ko Okotova sa oti.
Laki tauca yani na nona lolosi na peresitedi ni matanitu ko Kenya , Willian Ruto ka kaya ni mai biuta koto o Kiptum e dua nai sausau ena nona bula vaka dauqito.
Volai ena tukutuku ni sa dua na ka na rarawa nei tamana ko Samson Cheruiyot
E tukuni ga ni a sega ni lewa rawa na nona vakauta na motoka ko Kiptum ka mani ceba tani mai gaunisala ni bera ni coqa yani e dua na vunikau. Vakadeitaki ni a leqa ga ena vanua ka a yaco kina na vakacalaka.
source:bbc
