LUTU ENA I KA 7 NI TUTU NA TIMI NI DRUA ENA NODRATOU MAI DRUKA VUA NA TIMI NI REDS.

E tukuna na dau ni veivakatavulici ni timi ni Swire Shipping Fijian Drua o Mick Byrne ni rawa vei ratou na cauravou me ratou qitora na 80 na miniti, ia, e sega ni marautaka o Byrne ni ratou sega ni vakayacora vaka-kina na gagadre oya, basika ena nodratou mai druka vua na timi ni Reds ena kai veivolekati sara 27 kei 24.

E sa lutu sobu kinai ka 7 ni tutu ena tuvatuva ni poidi ena Super Rugby Pacific na timi ni Drua.

Ia,se  liu tikoga ena i tuvatuva ni poidi na timi ni Chiefs ena 19, karua na timi ni Brumbies ena 17 na poidi, ka tolu na Hurricanes ena 14, ka va na Blues ena 11 na poidi, rau toka ena 10 na poidi na timi ni Crusaders kei Reds.

Ni da raica yani na sotasota ena macawa oqo, Crusaders ena calidi kei Brumbies ni oti na 6 ena 5 na miniti ena yakavi ni Vakaraubuka,Waratahs ena sota kei Chiefs ni vo e 25 na miniti me 9 na kaloko ena bogi ni Vakaraubuka, Highlanders ena qito kei Drua ni vo e 25 na miniti me 4 na kaloko ena yakavi ni Vakarauwai, Moana Pasifika rau sota kei Hurricanes ni oti na 6 ena 5 na miniti ena yakavi talega ni Vakarauwai, Rebels ena calidi kei Reds ni vo e 25 na miniti me 9 na kaloko ena bogi ni Vakarauwai, ka rau na sota na timi ni Blues kei Western Force ni vo e 25 na miniti me 3 na kaloko ena yakavi ni Sigatabu.

VITIFM 92.fm/92.2fm/92.6fm

E KAMICA QA I KAJI!

SOURCE_ Fiji village