LUTU SOBU NA SAU NI TIKITE ENA SOTA NEI DRUA KEI MELBOURNE REBELS ENA VULA MAI QO.

E dua na tukutuku marautaki vei kemuni  na lewenivanua ka dau vakamuria na Timi ni Swire Shipping Fijian Drua , ni sa na lutu tiko na i sau ni tikite ena sota kei Melbourne Rebels ena matai ni siga ni vula mai oqo.

E ratou vakarautaka e rauta ni 11,000 na tikite ni sara qito na Timi ni Drua, ka kena i sau e $45 na dola ena tolu na wasewase.

Na wasewase ni vanua ni dabe ena yasa e sau ruarua ni vanua ni sarasara e tiko na kena i sau ena $100 kei na $120.

Ia, na silver category e $100 na dola na kena i sau ka tiko na vanua ni sarasara ena loma ni 22 na mita kei na Gold category , e tiko na kena i sau ena $120 ka tiko ena 22 na mita volekata na yasa ni vale ni sarasara.

Na VIP e tiko na kena i sau ena $180 na dola .

Na tikite ena tekivu volitaki ena 9 na kaloko ena mataka ni Moniti mai oqo, ena nodratou website na Fijian Drua , vaka kina ena sitoa nei Jacks kei na valenivolavola ni Fiji Sports Council.

E na macawa qo na timi ni Drua ena sota tiko kei na mata timi ni Reds , ena lima na kaloko ena Sigatabu .

VITIFM 92.FM/92.2FM/92.6FM

E KAMICA QAI KAJI!

SOURCE: Fijivillage