LUVU E DUA NA GONE YABAKI 6 KEI NA DUA NA GONE YABAKI 7.
Written by Mika Qalobula on September 9, 2023
Sa mai ciqoma na Tabacakacaka ni Ovisa e 2 na ripote me baleta na nodrau luvu e dua na gone yabaki 6 kei na dua na gone yabaki 7.
Nai matai ni ripote e ciqomi ni dua done e a luvu enai tikotiko vagalala mai Noro e Navakasiga mai Bua,ka laurai kina na gone yabaki 7 oqo, ni sa ciri tu e wasawasa ka rau kunei koya e 2 na gone e rau lako tiko yani me rau laki raica yani na nodrau lawa.
Ia nai ka 2 ni gone e kilakasamitaki nia luvu ga ena gauna e sisili tiko kina kei ira na nona i caba ena uciwai mai Nasivi e Tavua,ka ratou sa vakaraitaka na Tabana ni Ovisa,ni ratou na vaqaqai nai tubutubu ena vuku ni nodra vakaweleweletaki tiko nai solisoli.
Sa 28 taucoko na lewe ni vanua era sa mai leqa ena luvu ena yabaki oqo,ka 27 era mai leqa ena gauna vata oqo ena yabaki sa oti.
