MAI LEQA E DUA NA TAGANE ENA VUKU NI VAKACALAKA E GAUNISALA
Written by Kelera Rokocula on September 10, 2023
E mai leqa e dua na tagane ka davo bibi toka ena gauna oqo ena valenibula na Ba Aspen e lewe tolu tale na lewenivanua ena vuku ni coqa vakasakasaka e gaunisala ka yaco mai Tavua ena siga nikua.
E tukuni ni tagane e mai leqa oqo e vodo tiko ena dua na lori ka draivataka tiko e dua na tagane yabaki 29, ka kilakasamitaki ni a coqa yani na lori e vodo tiko kina e dua na lori ni dovu ka draivataka tiko e dua na turaga yabaki 63, ka yaco na veika oqo ena Vatia Road junction e Tavua.
E na kaukauwa ni vakacalaka oqo kei na kena bibi toka ni sasaga me ratou vueti rawa mai ki tuba na lewenivanua ka sa tao tu e loma e ratou sa kacivi mai kina na lewe ni Tabana ni Boko Buka ena vuku ni sasaga ni veivueti oqo.
E ratou cicivaki kece e valenibula na lewe ni vanua ka ra vodo tiko ena lori ruarua oqo, ia kani rarawa ni sa mai leqa e dua vei iratou.
E sa tomani tiko na kena veivaqaqai mai vei iratou na Tabana ni Ovisa ena gauna oqo.
I vurevure: Fiji Police
VITIFM: 92/92.2/92.6 fm
