MAI LUVU E DUA NA GONE YABAKI 4
Written by Mika Qalobula on April 28, 2023
E mai luvu e dua na gone yabaki 4 ena yakavi e nanoa mai na koro o Jubairata,ena gauna e ratou a gole yani kina e uciwai kei na so na na wekana me ratou laki savasava,ka mani qai yali mai kina.
Sa qai kunei na yagona voleka toka ga na vanua e a laurai kina enai otioti ni gauna,ka sa na vakayacori tiko vua na veisele vakavuniwai,ka sa tomani tiko na nodratou veivaqaqai na tabana ni Ovisa.
Na nona mai luvu na gone oqo,e sa tosoya cake sara kina nai wiliwili ni lewe ni vanua era mai luvu ena yabaki ki na 23 me vakatautauvataki ki na 11, ena gauna vata oqo ena yabaki sa oti.
O ni sa vakasalataki tiko nai tubutubu kei na dau ni veisusu,me ra qarauni tiko na luveda ena vuku ni veivakacalaka e so e rawa ni na yaco kevaka walega e da na vakawelewele.
vitifm 92.2fm/92fm/92.6fm – E kamica qai kachiiii!!!
i vurevure – Fiji Police.
