Marau o Colombia taucoko ni ratou sa kune na veitacini.
Written by Atu Kurumudu on June 13, 2023
Ratou sa qai kuine tale na va na gone ka ratou bula mai na kena voca na waqavuyka ratou a vodo tiko kina ena loma ni veikau loa na Amazon.
E tukuni ni ratou qai bula voli na veitacini oqo me 40 na siga me yacova na gauna ratou sa qai kune kina. Vakaraitaka na peresitedi ni matanitu ni marau o Colombia taucoko ena gauna ratou sa laurai kina na gone lalai oqo , ka dua e yabaki 13, dua e yabaki 9 , yabaki va kei koya e gone duadua e se qai yabaki 1.
Era nanuma na dau vaqaqara ni ratou sa leqa kece na vodo tiko ena waqavuka , ia ena gauna era raica kina na we ni yavadratou na gone kei na kena laukana tu vakavo eso na kakana kara bula tu ena loma ni veikau loa, era nuidei kina ni ratou se bula tiko ka ratou sa vaqara bula kei na veivuke talega.
A mai leqa na tinadratou kei na rua na pailate ena gauna a voca kina na waqavuka ena imatai ni siga ni vula o Me.
source:bbc
