MARAUTAKI SARA VAKALEVU MAI VEI IRA NA DAUVOLIVOLITAKI NA KENA DAU LAI VAKAYACORI TIKO YANI E NA YASAYASA VAKA RA NA VEISOTASOTA LELEVU E NA SUPER RUGBY

E marautaka sara vakalevu e dua na dauvolivolitaki mai Lautoka, e  na kena dau lai vakayacori tiko yani e na mua-i-ra ni noda vanua na vei-sotasota lelevu me vaka na sotasota ni Shop N Save Super Rugby Pacific, ka ni dau veivuke vei ira na dauvolivolitaki e na kena saumi tiko na bili kei na veika kece e gadrevi e na nodra dui matavuvale.

E vakaraitaka o Mesake Talimaidelana ni ratou dau marautaka na lai volivolitaki e na gauna e dau vakayacori kina e dua na sotasota mai Lautoka, ka tukuna ni a yadra saraga vakamataka me veivuke e na kena saqa na roti kei na keke, me lai volitaki e na batini rara, ia, volitaki sara vakatotolo na nona i voli e na mataka-lailai, ka ni vuqa era gole mai tautuba mai Lautoka.E  vakaraitaka talega o Talimaidelana ni sa nanamaki tale tiko kina dua tale na sotasota levu me na vakayacori e na yasayasa Vaka-Ra.

https://www.fijivillage.com/news/-A-game-of-this-magnitude-helps-pay-the-bills—Talimaidelana-85fr4x/

VITI FM:92.2/92.6/92.0 FM-E-KAMICA-QAI-KAJI

I VUREVURE:FIJI VILLAGE