MATE EDUA NA LEWENIVANUA ENA COQA E GAUNISALA MAI NADI ENA BOGI E NANOA.
Written by Maikeli Radua on December 6, 2022
Photo: File.
E mai leqa e na bogi, edua na turaga yabaki 35 ena coqa vakacalaka e gaunisala volekati Westfield mai Nadi rauta na 9pm ena bogi.
Tukuna i tukutuku ni ovisa ni draiva tiko na turaga qo ena dua lori me sa gole tiko vaka ena nona i tikotiko e Votualevu rau vodo tiko e loma na marama na watina kei na luvena, oti a qai ceba mai ena yasa ni sala ratou ciciva tiko edua tale na lori ka draivataka tiko mai edua na tagane yabaki 23 mai Vitogo ka vakabauti ni a mateni tiko ka rau coqa mamaca saraga kei na nodratou lori na veitamani.
E a leqa saraga na turaga qo ena gauna vata ga e yaco kina na coqa, ka ratou qai mai veivuke ga na Tabana ni Boko Buka ena kena sagai me kau tani mai tuba na yagona na turaga qo.
Rau qai cicivaki ena valenibula e Nadi na veitinani ka vakadewataki sara yani ena valenibula e Lautoka ka rau se curu tikoga kina ena gauna qo.
Na tagane yabaki 23 ka veicoqa, sa tauri tiko vakavesu ka se toso tikoga nodratou veivaqaqai na ovisa.
Sa toso cake sara na i wiliwili ni lewenivanua era leqa ena vakacalaka e gaunisala kina 40 ni veidutaitaki vata ena 22 ena gauna vata vaka oqo ena yabaki sa oti.
Vakarorogo tiko mai ena Vitifm 92.2FM/92.0FM/92.6FM ena kena i tukutuku matailalai.
