Moce All Black kei Blues – Harry Plummer Vakarau biubiu me gole ki Varanise.
Written by Atu Kurumudu on November 20, 2024
Vakarau tu ko Harry Plummer na cauravou lewe ni timi ni All Blacks kei na Blues me biuti Niusialdi ena i golegole vaka konitaraki ki Varanise.
Na cauravou oqo e se qai yabaki 26 ka veivuke talega ena nodratou a mai qaqa na Blues ena sotasota levu ni Super Rugby ena yabaki oqo. Ena laki lewena tiko o Plummer e dua na kalavo e Varanise na ASM Clermont Auvergne.
Plummer, a sa matataka oti vakadua na All Blacks ena sota kei Wallabies ena qito e Serene ena vula o Seviteba. Tukuni ni a laki sikova tiko na nona kalavo vou ena macawa sa oti e Varanise.
Harry Plummer, ena imawi kei na All Blacks coach Scott Robertson.David Neilson / Photosport
Dau qito voli ena itutu ni playmaker na cauravou oqo ka sa matataka oti vaka 75 na timi ni Blues. Ia , a mai lutu na yacana ena timi nei Robertson ena yabaki oqo.
Plummer a qai vakacavara na qito ena gauna a sosomitaki Stephen Perofeta yani kina ena vuku ni mavoa ni vo toka ga e vica na miniti me oti na qito ena nodratou a mai qaqa na All Blacks ena 31-28 ena Bledisloe I.
source:stuff.co.nz
