Na qaravatu mai Turkey kara bula voli kina e 20,000 na leweni vanua.

85 na mita ena ruku ni veidelana ka vakatokai na Cappadocia , e davo koto kina e dua na koro vakaitamera ka nanumi ni a tawa se vakayagataki tu ena loma ni vica na udolu na yabaki sa oti.

Na irairai ni veidelana ka vaka toka nai kuvukuvu ni dua na valenikuro era basika veitarataravi ena vanua cagicagi oqo ena kena liwava koto na veiqakilo ena Cappadocia’s Love Valley. Na totoka ni irairai ni vanua oqo era sa dau gole yani kina na milioni vaka milioni na vulagi sara vanua mera taubale taka se mera sarava mai lomalagi ena hot-air balloon. Na veidelana oqo e toka ena lomadonu ni vanua o Turkey.

Ia ena ruku ni Cappadocia oqo , e vunitaki voli kina e dua na  koro levu ka rawa nira tawana e 20,000 na lewe ni vanua. A se tawani sara tu ena vica vata na drau na yabaki sa oti.

Ena koro makawa ena city levu o Elengubu,ka kilai nikua ena yaca na Derinkuyu, e koto kina e dua na i tikotiko ka taba 18 kina loma ni qele na vei tanala era veitakosovi tu kina. Tukuni nira tawana mai na Phrygains , Persians ka ra laki tawana talega yani na Christians [lotu vakarisitio] ena gauna ka vakatokai na – Byzantine Era. A qai mai vakalalai na koro levu qo ena 1920 ena gauna a druka kina na mataivalu ka vakatokai na Cappadociab Greeks ena gauna ni valu ka yacana na Greco-Turkish war mera sa dro yani ki Greece [Kirisi].

E kaya o Suleman e dua na ka dau veikasarasarataki – ni a qai laurai na vanua oqo ena 1963 mai vua e dua na dau susu toa. Tukuni ni dau vuki yali tikoga na nona toa. Gauna e vakekeli kina o koya ena yasa ni nona vale a qai kunea nira veitakosovi tu na tanala ena boto ni nona vale.

source:bbc