NA SOLESOLEVAKI MAI MALABI WAINIBUKA E TAILEVU

E ra marautaka tiko na cauravou ena loma ni yavusa vakaturaga o Nadakua,ena loma ni koro ko Malabi mai Wainibuka e na Vualiku kei Tailevu,na 2 na macawa ni nodra solesolevaki tiko ena nodra i teitei.

Na nodra a solesolevaki nikua,era a qai laki tini ena kena tagavi e dua na tobu me rawa kina eso na Maleya ka me ra vakasigalevutaka.

E totoka vakaoti ni da sarava na bula ni tu e na koro ka tukuni ni so vei ira na cauravou oqo e ra livi mai ena nodra cakacaka, me ra mai veitomanitaka na solesolevaki macawa 2 qo.

Na tatavu era qai mai cakava  nira sa cabe mai ena yakavi nikua ka laki dua sara na kena beseni yaqona mei qusi ni buno.

Na cakacaka ni solesolevaki oqo e kauta vata mai vei ira na cauravou oqo na duavata vakabibi ena vuku ni cakacaka vata ni kena sasagataki na veivakatoroicaketaki ena nodra dui bula yadudua.

VITIFM 92.2FM/92FM/92.6FM/92.4FM – E KAMICA QAI KACHI!!!

I TABA KEI NAI TALANOA – NADAKUA YOUTH & SPORTS  GROUP