Namaki mena veisautaka nona timi o Eddie Jones ena sota kei All Blacks ena qito e MCG.
Written by Atu Kurumudu on July 27, 2023
Rawa ni rau qito vata o Tate McDermontt kei na naba 10 o Carter Gordon ena i tuvatuva vou ni timi ni Wallabies me rau na sota kei na All Blacks vata kei na nona tosoi talega o Jordan Petaia e dua nai tutu vou ena nona lesu mai ni oti na nona mavoa.
Levu na veisau eda na raica ena Vakarauwai ena imatai ni sota me baleta na Bledisloe Cup kei na All Blacks. Sa druka oti vakarua na Wallabies ena ruku ni nona veiliutaki o Eddie Jones ena yabaki oqo.
Wallabies ena sota kei Georgia ena imatai ni nodratou qito ena World Cup ena i ka 10 ni Seviteba. Ia , ena rua na druka sa oti rau a toka kina ena itutu ni naba 9 kei na tini o Quade Cooper kei Nic White.
Carter Gordon (mawi) ena rairai sosomitaki Quade Cooper (matau) ena first-five ena nodrau na sota na Wallabies kei All Blacks.
Rua na cauravou ka nanumi me rau na dara na siqleti e rua oqori sai koya na naba 9 ni Queensland Reds , McDermott kei na naba 10 ni Melbourne Rebels o Gordon.
Nona mai mavoa na Outside centre 0 Len Ikitau sa dolava talega na katuba vei Petaia. Sega ni vou vei Petaia nai tutu oqo kani a dau qito tu mai kina ni bera ni tosoi yani kina wing kei na fullback.
Kevaka me toka ena naba 13, sa na raviti Samu Kerevi toka ka na qai waraki toka o Izaia Perese se na vanua cava ena ciqi kina.
source:stuff.co.nz
