NANUMI IRA NODA KAWA NI MATAKA-COP26-RANADI MAI BOLATAGANE.
Written by Maria Solomone on November 2, 2021
E uto ni nodra vosa na marama na Ranadi mai Bolatagane,Queen Elizaberth na i karua ,ena vuku ni bose levu ni Vuravura me baleta na draki veisau,ka ra tiko kina na vei liuliu ena noda Vuravura mai Igiladi ena macawa qo.
Queen Elizaberth II-PhotoCredit:The Washington Post.
Era vakasuya ena yalo malumalumu sara na Ranadi na nona kerekere vei ira na dau ni politiki kei na veiliutaki ena noda vuravaura ka ra tiko ena soqo oqo,na kena gadrevi na nodra taqomaki na noda kawa ni mataka vakabibi ena vanua era bula kina.
Ena nodra vosa tiko ena mona livaliva vei ira na lewe ni COP26,e vakanuinui tu ni na cava vakavinaka sara na nodra veitalanoataka na Veisau ni Draki ka yacovi vuravura tu ni kua,ka ra na rawa ni cakacaka vata ena kena valuti me na rawa ni na sauma tu na nodra vakatataro na noda kawa ni mataka.Me ra na cakacaka vata,yalovata,tuvatuva ka vata,ka me ka kua wale ga ni ka ni veitalanoa,me sa cakacakataki sara ga.
Me sagai me Valuti na Draki Veisau me kua ni baleti ira ga,me ra nanumi ira na kawa sa bera mai.
Queen Elizaberth II :photocredit:itvnews.
E a sega ni tiko ena vanua ni bose na marama na Ranadi ena vuku ni nodra i vakasala mai vua na nodra Vuniwai ni dodonu me ra vakacegu,ka ra mani vakasavuya ga nodra i tukutuku ena mona livaliva mai na nodra i tikotiko mai Windsor Castle,kei na kedra i taba na watidra o Prince Philip,ka ra sa liu yani ki na bula ka dua,e dua ka dau tu taka vakalevu na kena taqomaki ka maroroi na noda i yaubula.
Vakarorogo tiko ga mai ena VITIFM 92fm,92.2fm,92.6fm
source:fijivillage.com
