Nanumi tiko me laki lewena na timi ni Crusaders o James O’Connor.

Ena nodratou vaqaqara voli na timi ni Crusaders se o cei mena tawana nai tutu ni playmaker – e ratou laki tao sara kivua e dua sa mata-taka oti na timi ni Wallabies.

James O’Connor, ka sa matataka oti vaka 63-na timi ni Ositerelia ,sa vakadeitaki talega ena macawa sa oti ena nona sa biubiu mai na timi ni Queensland Reds. Ia , na veitalanoa sa carubi tiko ena gauna oqo sa nanumi tiko kina mena laki lewena na timi ni Crusaders ena sotasota ni Super Rugby ni 2025.

Dina ni se bera ni dua na itukutuku me vakadeitaki kina na veika oqo , nai rogo ga mai na keba ni Crusaders ni ratou a sa veitalanoa tiko kei O’Connor.

James O’Connor ena nodrau a sota na timi ni Reds kei Blues ena Eden Park -2022.
Andrew Cornaga / www.photosport. / Andrew Cornaga/photosport

Kevaka ena dina nai tukutuku oqo , sana kena ikarua ni gauna vei O’Connor mena qito tiko kina e Niusiladi.

E rau kai Niusiladi nai tubutubu nei O’Connor ka taukena talega na ‘Kiwi passport’. Ena yabaki 2021 a gadreva na cauravou oqo me matataka na timi ni Chiefs mani seva ni ratou sega ni vaka io kina nai vakalesilesi ni Rugby Australia.

Gauna ena mau kece kina na veitalanoa me gole ki Christchurch , ena rairai na laki dua beka ga na yabaki , ni tiko talega nai tuvatuva mai na timi ni Crusaders mena lesu tale yani o Mo’unga ena 2026.

source:stuff.co.nz