NEW BORN – IRIBULI SA I IKO GA – LEBA BOI YAWA E LOMAI NASAU.
Written by Mika Qalobula on May 10, 2022
E ratou mai tavoca nikua ena Porokaramu na ‘NEW BORN’,ena BOGI KEI IKO ena VITIFM ena bogi nikua ,na matasere rogo levu ena ‘LEBA BOI YAWA E LOMAI NASAU’, e dua na nodratou sere vou,ka yaca ni sere na ‘IRIBULI SA I IKO GA’,ka bulia na sere oqo o Etonia Lote Jnr,ka tiko sere qo ena dua na nodratou Album vou ka ratou se cakacaka tiko kina ena gauna oqo.
Na album oqo eratou lagasere tiko kina o Mesake Tuberi kei Marika Buadromo ka rau cauravou ni Vanua Balavu mai na Yatu Lau,Anare Vute kei Ilaisa Ravula mai Kadavu,kei Pita Ralaca ka cauravou ni Daku,Nakelo,Tailevu.
‘IRIBULI SA I IKO GA – Oqori nai talanoa ni nona davo toka e dua na cauravou,ka davo tu ena ena dua na bogi ena nona varada ni vale,qai sarava tu na veikalokalo ka raica sara na kalokalo IRIBULI, ni ciri vakayawa sara tu mai. E kauta na yalona na kena rairai vinaka kei na kena buli caki vaka matau,ka tekivu me sa vovotu vakamalua mai vua e matana na nona Sui ni sarisari,me vaka ni rau tu veiyawaki tu ena gauna vata saraga o ya. Na nodrau tu vei yawaki tu oya, e vaka na nona yawa mai na IRIBULI ka sarava toka ena bogi oya,ka sega ni kila ni sa lutu mai e gusuna na vosa “IRIBULI SA I IKO GA “.
E rawa nio rogoca na sere oqo ena VITIFM 92.2FM,92FM kei na 92.6FM.
VITIFM – E KAMICA QAI KACHI!!!!
